கிழக்கு ஊவா மாகாணங்களில் இடியுடன் கூடிய மழை பெய்யலாம்

நாட்டின் சப்ரகமுவ, மேல், வடமத்திய, மற்றும் மத்திய மாகாணங்களிலும், குறிப்பாக காலி, மாத்தறை மாவட்டங்களில் இன்று (14) சிறிதளவிலான மழை பெய்யலாம் என வானிலை அவதான நிலையம் எதிர்வு கூறியுள்ளது.

அத்துடன் கிழக்கு ஊவா மாகாணங்களில் மாலையில் இடியுடன் கூடிய மழைக்கு சாத்தியம் நிலவுகிறது எனவும் வானிலை அவதான நிலையம் தெரிவித்துள்ளது. மழையுடன் காற்று வீசுவதாற்கான சந்தர்ப்பங்களும் காணப்படுவதாகவும் குறிப்பாக மலையக பிரதேசங்களில் காற்று அதிகளவில்  வீசலாம் எனவும் காற்றின் வேகம் மணிக்கு 50 - 60 கிலோ மீற்றர் வேகத்தில் அதிகரிக்கலாம் எனவும் எதிர்வு கூறப்பட்டுள்ளது.

பிரதான நகரங்களின் காலநிலை 

நாட்டின் வானிலையில் ஏற்பட்டுள்ள மாற்றம் காரணமாக இரவில் அதிகளவிலான இடி முழக்கங்கள் ஏற்படக்கூடும் எனவும்  எதிர்பார்க்கப்படுகிறது. அனைத்து பிரதேசங்களிலும் மாலையில் அல்லது இரவில் மழைக்கான சாத்தியம் அதிகளவில் காணப்படுகிறது.

அநுராதபுர மாவட்டத்தில் வெப்ப நிலையானது ஆகக்கூடியது 34 செல்சியஸ் பாகையாகவும் ஆகக் குறைவான வெப்பநிலை 25 செல்சியஸ் பாகையாகவும் காணப்படுவதோடு மிதமான காலநிலை காணப்படலாம். யாழ்ப்பாண மாவட்டத்தில் ஆகக்கூடியது 33 செல்சியஸ் பாகையாகவும் ஆகக் குறைவான வெப்பநிலை 27 செல்சியஸ் பாகையாகவும் காணப்படும் அதேவேளை யாழ்ப்பாணம்  மன்னார் ஆகிய பிரதேசங்களிலும் மிதமான காலநிலை காணப்படும்.

மட்டக்களப்பில் ஆகக்கூடுதலான வெப்பநிலையாக 36 செல்சியஸ் பாகையாகவும் ஆகக் குறைவான வெப்பநிலை 26  செல்சியஸ் பாகையாகவும் காணப்படும் அதேவேளை சிறிதளவிலான மழைக்கு சாத்தியம் காணப்படும். கொழும்பு மாவட்டத்தில் ஆகக்கூடுதலான வெப்பநிலை 31 செல்சியஸ் பாகையாகவும் ஆகக் குறைவான வெப்பநிலை 27 செல்சியஸ் பாகையாகவும் காணப்படுவதோடு சிறிதளவிலான மழைக்கான காலநிலை காணப்படலாம். கண்டி நுவரெலியா இரத்தினபுரி கொழும்பு காலி மாவட்டங்களில் சிறிதளவிலான மழை பெய்யலாம் என எதிர்பார்க்கப்படுகின்றது.

நாட்டில் ஆகக்கூடிய வெப்பநிலையாக மட்டக்களப்பு  மாவட்டத்தில்  36.7 செல்சியஸ் பாகையும் குறைந்தளவு வெப்பநிலையாக நுவரெலியா மாவட்டத்தில் 14.4  செல்சியஸ் பாகையும் காணப்படுகிறது.

ஆகக்கூடிய மழைவீழ்ச்சி பதிவாகிய பிரதேசம்
ஆகக்கூடிய மழைவீழ்ச்சியாக காலி பிரதேசத்தில் 29.4 மில்லிமீற்றர் பதியப்பட்டுள்ளது.