மாணவர்களுக்கான விவாத மேடை நிகழ்வு.

மாணவர்களுக்கான விவாத மேடை நிகழ்வு.

மண்முனை தென் எருவில்பற்று பிரதேச செயலகமானது கலாசார அலுவல்கள் திணைக்களத்துடன் இணைந்து நடாத்தும் “உலகை அறிவோம் - விவாத மேடை" நிகழ்வு இன்றைய தினம் வெள்ளிக்கிழமை(29.08.2025) பிரதேச செயலாளர் உ.உதயசிறீதரின் ஆலோசனை மற்றும் வழிகாட்டுதலின் கீழ் கோட்டைக்கல்லாறு மகா வித்தியாலயத்தில் இடம்பெற்றது.   

பாடசாலை அதிபர் சி.உருத்திரராஜாவின் மற்றும் பிரதேச செயலக கலாசார அபிவிருத்தி உத்தியோகத்தர்களின் ஒழுங்கமைப்பில்  இடம்பெற்ற இந்த விவாத நிகழ்வில் “இலங்கையின் கலாசாரம் ஏற்புடையது மற்றும் ஏற்புடையதல்ல" எனும் தலைப்பில் மாணவர்கள் தங்கள் வாதங்களை மிகவும் சிறப்பான முறையில் முன்வைத்திருந்தனர். இவ் விவாத நிகழ்வில் மண்முனை தென் எருவில்பற்று பிரதேச செயலக பிரிவில் தெரிவுசெய்யப்பட்ட மேலும் 5 பாடசாலைகளில் முன்னெடுக்கப்படவுள்ளன. 

கலாசார அலுவல்கள் திணைக்களத்தின் 12  வேலைத்திட்டத்தின் கீழ் இடம்பெறும் இவ்விவாத நிகழ்வில் உதவி பிரதேச செயலாளர் திருமதி. சத்யகௌரி தரணிதரன், உதவி அதிபர் திருமதி சு.புவிச்சந்திரன், ஆசிரியர்கள், அலுவலக உத்தியோகத்தர்கள், மாணவர்கள் என பலரும் கலந்து கொண்டிருந்தனர். இதன்போது பங்குபற்றிய மாணவர்களுக்கு சான்றிதழ்களும் வழங்கி வைக்கப்பட்டதுன.