வெள்ள நீர் புகுந்த குடி நீர் கிணறுகள் சுத்திகரிப்பு

(கஜா)
கடந்த 2014 டிசம்பர் மாதம் ஏற்பட்ட வெள்ள அனர்த்ததினால் பாதிக்கப்பட்ட மட்டக்களப்பு மாவட்டம், கோறளை பற்று தெற்கு, ஏறாவூர் பற்று பிரதேச செயலகங்களின் அனுசரனையுடன் இலங்கை செஞ்சிலுவைச் சங்கத்தின், மட்டக்களப்புக்கிளை கிணறுகளைச் சுத்திகரிக்கும் செயற்திட்டத்தினை நேற்று (19) ஆரம்பித்துள்ளது.


அதன் முதற்கட்டமாக ஏறாவூர் பற்று பிரதேசத்திலுள்ள , குமாரவேளியார் கிராமம் மற்றும் பதுளை வீதியிலும், அமைந்துள்ள வெள்ள நீர் குடி நீர் கிணறுகளில், உட்புகுந்து, அசுத்தமடைந்த 20 கிணறுகள் நேற்று திங்கட் கிழமை (19) பரிசோதிக்கபட்டு, இறைத்து, சுத்தப்படுத்தப்பட்டன.


இந்நிகழ்வில் இலங்கை செஞ்சிலுவைச் சங்க மட்டக்களப்புக்கிளை தலைவர் த. வசந்தராஜா  தலைமையில் நடைபெற்ற இந்நிகழ்வில், நிகழ்ச்சி திட்ட இணைப்பாளர் சீ.கஜேந்திரன் மற்றும் ஏறாவூர் பற்று பிரதேச சபை பொது சுகாதார அதிகாரிகள், பிரதேச சபை ஊழியர்கள், என பலரும் கலந்து கொண்டிருந்தனர்.