வைத்திய அதிகாரி ஜலீலா எழுதிய “சிறகு முளைத்த மீன்;” கவிதை நூல் வெளியிட்டு வைப்பு.

 (ஏ.எச்.ஏ. ஹுஸைன்) 

வைத்திய அதிகாரி ஜலீலா எழுதிய “சிறகு முளைத்த மீன்;” கவிதை நூல் வெளியிட்டு வைப்பு.

மட்டக்களப்பு போதனா வைத்தியசாலையின் வைத்திய அதிகாரியாகப் பணியாற்றும் ஹயாத்துமுஹம்மது ஜலீலா முஸம்மில் எழுதிய “சிறகு முளைத்த மீன்;” கவிதை நூல் வெளியீட்டு விழா சனிக்கிழமை 01.10.2022 இரவு  ஏறாவூர் வாவிக்கரை கலாசார மத்திய நிலையத்தில் இடம்பெற்றது.

ஏற்பாட்டுக் குழுத் தலைவி ஆசிரியை என்.எம். ஆரிபா  தலைமையில் இடம்பெற்ற இந்நிகழ்வில்  ஏறாவூர் நகர பிரதேச செயலாளர் வி. நிஹாறா>  கோறளைப்பற்று மத்தி பிரதேச செயலாளரும் வைத்தியரான நூலாசிரியரின் கணவருமான எஸ்.எச். முஸம்மில்> கிளிநொச்சி மாவட்ட வன இலாகா அதிகாரி எம்.ஏ. லியாவுல் ஹக்கீம் ஏறாவூர் நகர முதல்வர் எம்.எஸ். நழிம்  உட்பட இலக்கியவாதிகள்> எழுத்தாளர்கள்> அதிபர்கள்> ஆசிரியர்கள்> கவிஞர்கள்> ஆர்வலர்கள் ஆகியோர் கலந்து கொண்டனர்.

நிகழ்வில் வைத்தியர் ஜலீலா> வைத்துறைக்கு மேலதிகமாக அவர் இலக்கியத்துறைக்கு ஆற்றிவரும் பங்களிப்புக்காக தமிழ்ச்சாரல் கலை இலக்கிய வட்டத்தினால் “கவிமுகி” விருது வழங்கி கௌரவிக்கப்பட்டது.

வைத்தியர் ஜலீலா எழுதிய இந்த கவிதை நூல் தொகுப்பில்; தந்தை சொல் மிக்க மந்திரமில்லை> தாயிற் சிறந்த கேடயமில்லை> சேற்றில் நின்று சோற்றைத் தருகிறார் உள்ளிட்ட சுமார் 85 தலைப்புக்களில் கவிதைகள் புனையப்பட்டுள்ளன.

கவிதை நூலாசிரியர் வைத்தியர் ஜலீலா அலிகார் தேசியக் கல்லூரியின் முன்னாள் அதிபர் மறைந்த யூ. ஹயாத்து முஹம்மதுவின் மகளாவார். இவரது கவிதைகள்> ஆக்கங்கள் இலங்கையின் தேசியப் பத்திரிகைகளில் வெளிவந்துள்ளன.