மண்முனை தென் எருவில் பற்று பிரதேச மட்ட விளையாட்டு விழா.

மண்முனை தென் எருவில் பற்று பிரதேச மட்ட விளையாட்டு விழா.

மட்டக்களப்பு மாவட்டம் மண்முனை தென் எருவில்பற்று பிரதேச செயலகம், கிழக்கு மாகாண விளையாட்டு திணைக்களம் மற்றும் செட்டிபாளையம் நியூட்டன் விளையாட்டு கழகம், கிராம ஆலயங்கள், பொது அமைப்புகளுடன் இணைந்து ஏற்பாடு செய்த பிரதேச மட்ட விளையாட்டு விழா புதன்கிழமை(10.04.2024) பிரதேச செயலாளர் திருமதி. சிவப்பிரியா வில்வரத்னம் அவர்களின் தலைமையில் செட்டிபாளையம் கண்ணகி அம்மன் விளையாட்டு மைதானத்தில் இடம்பெற்றது.

இந்நிகழ்வில் முதன்மை அதிதியாக மாவட்ட செயலாளர் திருமதி. ஜஸ்டினா யுலேக்கா முரளிதரன் அவர்கள் கலந்து கொண்டிருந்ததுடன், மேலும் கிழக்கு மாகாண விளையாட்டு திணைக்கள மாகாண பணிப்பாளர் உதயகுமார் சிவராசா, உதவி பிரதேச செயலாளர் திருமதி. சத்யகௌரி தரணிதரன், பிரதேச சபை செயலாளர் சா.அறிவழகன், பிரதேச செயலக பதவி நிலை உத்தியோகத்தர்கள், செட்டிபாளைய கிராம ஆலய மற்றும் பொது அமைப்புகளின் பிரதிநிதிகள், அலுவலக உத்தியோகத்தர்கள், பொதுமக்கள் விளையாட்டுக் கழகங்கள், என பலரும் கலந்து கொண்டிருந்தனர்.

இதன்போது பிரதேச செயலக பிரிவிற்குட்பட்ட பதிவு செய்யப்பட்ட விளையாட்டு கழகங்களுக்கிடையில் இடம்பெற்ற மைதான மற்றும் குழுநிலை போட்டிகளின்  இறுதிப் போட்டி நிகழ்வுகளும்,  வெற்றியீட்டியோருக்கான சான்றிதழ்களும், வெற்றிக் கிண்ணங்களும் வழங்கி வைக்கப்பட்டன.

 பிரதேச மட்ட விளையாட்டு நிகழ்வில் களுதாவளை கெனடி  விளையாட்டு கழகம் 24தங்கம், 22வெள்ளி, 12வெண்கலப் பதக்கங்களைப் பெற்று முதலாம் இடத்தையும், செட்டிபாளையம்    நீயூட்டன் விளையாட்டு கழகம் 12தங்கம், 11வெள்ளி, 10வெண்கலப் பதக்கங்களைப் பெற்று இரண்டாம் இடத்திதையும் பெற்றுக் கொண்டனர்.