மென்பந்து கிறிக்கெற் சுற்றுப் போட்டியும் சாதனையாளர் பாராட்டு விழாவும்

(இ.சுதா)
அம்பாறை மத்திய முகாம் சலேன்சர்ஸ் விளையாட்டுக்; கழகம் தமது ஐந்தாவது ஆண்டு நிறைவினை ஒட்டி ஏற்பாடு செய்த மாபெரும் மென்பந்து கிறிக்கெற் சுற்றுப் போட்டியும் சாதனையாளர் பாராட்டு விழாவும், ஞாயிற்றுக் கிழமை மாலை (16) அம்பாறை மத்திய முகாம் பொது விளையாட்டு மைதானத்தில் நடைபெற்றது.

இதன் போது  வெற்றி பெற்ற அணியினருக்கு பெறுமதியான வெற்றிக்கிண்ணம் வழங்கப்பட்டதுடன் கடந்த 2015ம் ஆண்டில் தரம் ஐந்து புலமைப்பரிசில் பரீட்சையில் சித்தியடைந்த மாணவர்கள், இம்முறை வெளியான கல்வி பொது தர உயர்தர பரீட்சைப் பெறுபேறுகளின் அடிப்படையில் பிரதேசத்தில் முதற் தடவையாக பொறியியல் பீடத்திற்கு தெரிவாகிய கே.கம்சன் உட்பட பலர் கௌரவிக்கப் பட்டமை குறிப்பிடத்தக்கது.

இந்நிகழ்வில் நாவிதன்வெளி பிரதேச செயலக விளையாட்டு உத்தியோகத்தர் பி.வசந்த், மத்தியமுகாம் கிராம சேவை உத்தியோகத்தர் திருமதி எஸ்.பவானி, கல்முனை அஷ்ரப் ஞாபகார்த்த வைத்தியசாலையின் இரத்தப் பரிசோதகர் வ.மதிவண்ணன் , மத்திய முகாம் பொலிஸ் நிலையப் பொறுப்பதிகாரி உட்பட மத்திய முகாம் பிரதேசத்தினை பிரதி நிதித்துவப்படுத்தும் ஆலயங்களின் தர்ம கர்த்தாக்கள், விளையாட்டுக் கழகங்களின் உறுப்பினர்கள் உட்பட பலரும் கலந்து கொண்டனர்.