அருவி பெண்கள் வலயமைப்பினால் 16 நாள் செயல் திட்ட நிகழ்வுகள்!!

பெண்களுக்கு எதிராக நடைபெறும் வன்முறைகளை தடுக்கும் நோக்கில் பல்வேறு வினைத்திறன் மிக்க செயல்பாடுகள் அரச,அரசு சார்பற்ற நிறுவனங்களினால் நாடளாவிய ரீதியில் வெற்றிகரமாக முன்னெடுக்கப்பட்டு வருகின்றன. 

இதற்கு அமைவாக சர்வதேச பெண்களுக்கு எதிரான வன்முறை தின ஒழிப்பு வாரத்தை முன்னிட்டு மட்டக்களப்பு மாவட்டத்தில் "பெண் சுயதொழில் முயற்சியாளர்களினால் மேற்கொள்ளப்பட்டு வரும் பாரம்பரிய பொருட்கள் மற்றும் உணவுப் பொருட்கள் உற்பத்தி நடவடிக்கைகளை காட்சிப்படுத்தும் நோக்கில் ஒழுங்கு செய்யப்பட்ட கண்காட்சியும், விற்பனையும் நடை பெற்றதுடன் பெற்றோர்களை இழந்த நிலையில் கல்வி கற்று பல்கலைக் கழகத்திற்கு தெரிவு செய்யப்பட்ட மாணவர்கள்,சாதணைப் பெண்கள் கௌரவிப்பு என பல்வேறு கலை கலாசார விஷேட நிகழ்வுகள் நடைபெற்றன.

மட்டக்களப்பு மாவட்ட அருவி பெண்கள் வலையமைப்பின்  பணிப்பாளர் சட்டத்தரணி திருமதி மயூரி ஜனன் தலைமையில் கிரான் கருணா ஜக்கிய விளையாட்டு கழக மைதானத்தில் நடைபெற்ற இந்நிகழ்வில் அதிதிகளாக மட்டக்களப்பு மாவட்ட பிராந்திய சுகாதார சேவைகள் பணிப்பாளர் ஜீ.சுகுணன், செங்கலடி மற்றும் கிரான் பிரதேச செயலாளர்களான  கோ.தனபாலசுந்தரம், எஸ்.ராஜ்பாவு உள்ளிட்ட  சுவாமி விபுலானந்தா அழகியற் கற்கைகள் நிறுவகத்தின் பணிப்பாளர் பேராசிரியர் புளோரன்ஸ் பாரதி கென்னடி, கிழக்கு பல்கலைக் கழக விரிவுரையாளர் வி.வசந்தா ஆகியோர்கள் கலந்து சிறப்பித்தனர்.

இதன் போது  தெரிவு செய்யப்பட்ட மாவட்டத்தின் 09 பிரதேச செயலாளர் பிரிவுகளில் இருந்தும் ஸ்தாபிக்கப்பட்ட பிரதேச  சிவில் சமூக மட்ட குழுக்களிடையே பலதரப்பட்ட இனங்களுக்கு இடையிலான புரிந்துணர்வு மற்றும் சகவாழ்வினை மேம்படுத்து வகையில் "சமாதானத்தை மேலொங்க செய்யும்  ஒற்றுமை தீப்பந்தம்" ஏற்றப்பட்டு ஒவ்வொரு குழு அங்கத்தவர்களிடையே கைமாறப்பட்டு அதிதிகளின் பங்கு பற்றுதலுடன் பொதுத்தீபம் ஏற்றப்பட்டது.

பெண்களுக்கு எதிரான வன்முறைகளை இல்லாதொழிக்கும் 16 நாள் செயல் திட்ட நிகழ்வுகள் நவம்பர் 25 ஆம் திகதி முதல் டிசம்பர் மாதம் 10 ஆம் திகதி வரை 16 நாட்களாக மாவட்டத்தின் பல்வேறு இடங்களில் இடம்பெற்று வருகின்றமை குறிப்பிடத்தக்கது.

Continue Reading

அருவி பெண்கள் வலையமைப்பினால் ஒல்லிக்குளம் கிராம மக்களுக்கு பல்வேறு உதவிகள்!!

மட்டக்களப்பு அருவி பெண்கள் வலையமைப்பின் முகாமைத்துவ பணிப்பாளரும் சிரேஸ்ட சட்டத்தரணியுமான மயூரி ஜனன் தலைமையில் மட்டக்களப்பில் காணப்படும் தேவைப்பாடுகள் மிகுந்த கிராமங்களை தேடி பல்வேறுபட்ட உதவித்திட்டங்களையும் சேவைகளையும் வழங்கி வருகின்றனர்.

அதன் ஒரு கட்டமாக மட்டக்களப்பு நகர் பகுதியில் காணப்படும் தேவைப்பாடுகள் மிகுந்த கிராமங்களில் ஒன்றாக திகழும் ஒல்லிக்குளம் கிராம மக்களுக்கு பல்வேறு உதவிகள் மற்றும் சேவைகள் அண்மையில் வழங்கி வைக்கப்பட்டுள்ளது.

இஸ்லாமிய மக்கள் செறிந்து வாழும் ஒல்லிக்குளம் கிராமத்தில் உள்ள பாடசாலையானது சுகாதாரவசதிகள் அற்று பற்றைகாடாகவும் பாம்பு தொல்லை அதிகமாகவும் காணப்பட்டவருவதாக அக்கிராம மக்கள் தெரிவித்ததைத் தொடர்ந்து அக்கிராமத்தில் உள்ள மக்களை கொண்டு குறித்த பாடசாலை வளாகம்ம் சுத்தம் செய்யப்பட்டதுடன்  சுத்திகரிப்பு உபகரணங்களும் இதன்போது வழங்கி வைக்கப்பட்டுள்ளது. 

அத்துடன் அக்கிராமத்தை சேர்ந்த சிறுவர்கள், பெண்கள் அடங்கலாக 200 பேருக்கு சமைத்த உணவு வழங்கப்பட்டதுடன் 50 பெண் பிள்ளைகளுக்கான சுகாதார பொதிகளும் இதன்போது வழங்கி வைக்கப்பட்டது.

பெண்கள் மற்றும் பிள்ளைகளுக்கான விழிப்புணர்வும் இதன்போது வழங்கப்பட்டதுடன், இச் செயல்பாடானது அங்குள்ள பெண்களுக்கு மிகவும் சந்தோசத்தினையும் உள ரீதியான ஒரு தைரியத்தினையும் கொடுத்திருந்தது.

இந்நிகழ்வில் அருவி பெண்கள் வலையமைப்பின் முகாமைத்துவ பணிப்பாளரும் சிரேஸ்ட சட்டத்தரணியுமான மயூரி ஜனன், அருவி பெண்கள் வலையமைப்பின் சிரேஸ்ட உத்தியோகத்தர்கள் மற்றும் வலையமைப்பின் உத்தியோகத்தர்கள் உள்ளிட்ட கிராம மட்ட பிரதிநிதிகளும் இதன்போது கலந்துகொண்டிருந்தனர்.

கடந்த 10 வருடங்களாக மட்டக்களப்பு மாவட்டத்தில் உள்ள தேவைபாடுடைய கிராமங்களில் வசிக்கும் பெண்கள் மற்றும் சிறுவர்களுக்காக பல்வேறுபட்ட சேவைகளை இவ்வலையமைப்பானது மேற்கொண்டுவருகின்றமை குறிப்பிடத்தக்கது.

Continue Reading