பழுத்த அரசியல்வாதியும் அரசியலில் நீண்ட கால அனுபவம் உள்ளவருமான இரா.சம்பந்தன் எதிர்க்கட்சி தலைவராக தெரிவு செய்யப்பட்டமை, இலங்கை அரசியலில் புதியதோர் திருப்பத்தை ஏற்படுத்தியுள்ளதாக கிழக்கு மாகாண முதலமைச்சர் ஹாபிஸ் நாசீர் அஹமட் தெரிவித்துள்ளார்.
மேலும், சம்பந்தனுக்கு கிடைத்துள்ள பதவி குறித்து முஸ்லிம் சமூகம் முழுமனதுடன் வரவேற்பதாகவும் அவர் குறிப்பிட்டுள்ளார்.
எதிர்க்கட்சித் தலைவராக சம்பந்தன் தெரிவு செய்யப்பட்டுள்ளமை குறித்து கருத்து வெளியிட்டுள்ள அவர்,
1977 ஆண்டு தமிழர் விடுதலைக் கூட்டணியின் தலைவர் அண்ணன் அமிர்தலிங்கம் இலங்கைப் பாராளுமன்றத்தில் எதிர்கட்சித் தலைவராக தெரிவு செய்யப்பட்டு சிறுபான்மையினத்தவர்களுக்கு பெருமை சேர்த்தார்.
அதேபோன்று 38 வருட காலத்திற்குப் பிறகு தமிழ்த் தேசியக் கூட்டமைப்பின் தலைவர் இரா சம்பந்தன் தெரிவு செய்யப்பட்டுள்ளமை தமிழ், முஸ்லிம் மக்களுக்கு மகிழ்ச்சியளிக்கின்றது.
இனப்பிரச்சினை தீர்வில் சம்மந்தன் போன்றவர்களின் கருத்துக்களும் முஸ்லிம் தலைவர்களின் கருத்துக்களும் உள்வாங்கப்பட்டு நியாயமான தீர்வு கிடைக்கும் என தான் நம்புவதாகவும் முதலமைச்சர் ஹாபிஸ் நஸீர் தெரிவித்தார்.
ஆங்கில, தமிழ் மொழிகளில் பாண்டித்தியம் பெற்ற சம்பந்தன், சிங்கள மொழியிலும் நன்கு பரீட்சயம் பெற்றவர். ஆழமான அரசியல் அறிவைக்கொண்ட அவர் சிறந்த பேச்சாளாரும்கூட பாராளுமன்றத்தின் அவர் வாதிடும் திறமை அலாதியானது.
கிழக்கு மாகாணத்தில் பிறந்த சம்பந்தன் எதிர்க்கட்சித் தலைவரானமை, கிழக்கு மண்ணுக்கு பெருமை தருகின்றது என்று தெரிவித்தார்.
- சம்மந்தன் எதிர்க்கட்சித் தலைவராக நியமிக்கப்பட்டமை சிறுபான்மையினருக்கு கிடைத்த வெற்றி: கிழக்கு முதல்வர்
- புதிய எதிர்க்கட்சித் தலைவர் சம்பந்தனுக்கு ஜனாதிபதி வாழ்த்து
- சம்பந்தன் பற்றிய முக்கிய வரலாற்றுக் குறிப்புக்கள்
- எதிர்க்கட்சித் தலைவராக சம்பந்தன் தெரிவு செய்யப்பட்டமை வரலாற்று சிறப்புமிக்கது!
- தமிழ்த் தேசியக் கூட்டமைப்பு எதிர்க்கட்சியாக வருவதை எதிர்க்கும் உறுப்பினர்கள்
- எதிர்க்கட்சித் தலைவராக இரா.சம்பந்தன் தெரிவு
0 Comments:
Post a Comment