டைனமோ அற்ற 51 சைக்கிள்கள் கைப்பற்றப்பட்டன

டைனமோ (மின்பிறப்பாக்கி) இல்லாமல் காணப்பட்ட 51 சைக்கிள்களை கடந்த மூன்று தினங்களில் காத்தான்குடி பொலிஸ் பிரிவில் கைப்பற்றியுள்ளதாக காத்தான்குடி பொலிஸ் நிலையத்தின் போக்குவரத்து பொலிஸார் தெரிவித்தனர். காத்தான்குடி பொலிஸ் நிலையத்தில் வைக்கப்பட்டுள்ள இந்த சைக்கிள்களுக்கு டைனமோவை கொண்டுவந்து உரிமையாளர்கள் பொருத்தும் பட்சத்தில், சைக்கிள்கள் உரியவர்களிடம் ஒப்படைக்கப்படுவதாகவும் பொலிஸார் கூறினர்.

14 தினங்களினுள் இந்த சைக்கிள்களுக்கு டைனமோவை உரிமையாளர்கள் கொண்டுவந்து பொருத்த வேண்டுமெனவும் தவறும் பட்சத்தில் மட்டக்களப்பு நீதிமன்றத்தில் ஒப்படைக்கப்படுமெனவும் பொலிஸார் கூறினர்.