20 Dec 2018

வெருகல் முகத்துவார வீதி புனரமைப்பு

SHARE
வரையறுக்கப்பட்ட வெருகல் முகத்துவாரம் கிராம மக்கள் சக்திச் சங்கத்தினால் வெருகல் முகத்துவார பிரதான வீதி கிறவல் கொண்டு புனரமைப்புச் செய்யும் வேலைகள் வியாழக்கிழமை 20.12.2018 ஆரம்பிக்கப்பட்டுள்ளன.
கிராமிய உட்கட்டுமான வேலைத் திட்டத்தின் கீழ் இவ்வீதிப் புனரமைப்பு வேலைகள் தொடங்கி வைக்கப்பட்டுள்ளன.

வரையறுக்கப்பட்ட வெருகல் முகத்துவாரம் கிராம மக்கள் சக்திச் சங்கத்தின் தலைவர் நாகராசா ரகு தலைமையில் இடம்பெற்ற இந்நிகழ்வில் வெருகல் பிரதேச செயலாளர் கே. குணநாதன், வெருகல் பிரதேச சபைத் தலைவர் கே. சுந்தரலிங்கம், உதவித் தவிசாளர் ரீ. சங்கர், உறுப்பினர்கள், கிராம சேவையாளர் எம். இராஜநாயகி, சமூர்த்தி பொருளாதார அபிவிருத்தி உத்தியோகத்தர்களும் கிராம மக்களும் கலந்து கொண்டனர்.

இப்பிரதேச மக்களின் போக்குவரத்துத் தேவைக்கு மிக அத்தியாவசிமாக இருந்த இந்த பிரதான வீதி செப்பனிடப்படுவது தமக்கு மிகுந்த மகிழ்ச்சியைத் தருவதாக கிராம மக்களும் அவ்வீதியைப் பயன்படுத்தும் ஆசிரியர்கள், மாணவர்கள், உத்தியோர்கள் பயணிகள் ஆகியோர் குறிப்பிட்டனர்.

SHARE

Author: verified_user

0 Comments: